Видеоконференцисем валли Раҫҫейри сервиссемпе усӑ куракансем авӑн уйӑхӗнче темиҫе хут ӳснӗ.
«Ведомости» пӗлтернӗ тӑрӑх, ВКС сервиспа усӑ куракансен йышӗ 12 ҫултан аслӑраххисем хушшинче «Яндекстелемостӑн» юпа уйӑхӗнче пӗлтӗрхи ҫав уйӑхринчен 2,6 хут ӳснӗ, 5,15 млн ҫынна ҫитнӗ.
Google Meetӑн уйӑхри аудиторийӗ 3,8 процент ӳссе 9,3 млн ҫынна ҫитнӗ. Zoomӑн – 6,2 процент ӳссе 5,8 миллиона. «Встречи» сервисӑн вӑл 2 хут ӳснӗ, «Контур. Толка» сервисӑн ҫурла уйӑхӗнчинчен 1,5 хут ӳснӗ.
Пилотсӑр вӗҫекен аппаратсем пӗрмай тапӑннине пула интернет ҫыхӑнӑвӗсӗр час-часах тӑрса юлма тивет.
Юлашки вӑхӑтра интернета чарсан та хӑш-пӗр ҫӑлкуҫпа усӑ курма ирӗк параҫҫӗ. Сӑмахран, «Контактра» приложение кӗреетӗн, Яндекс сервисӗсем ӗҫлеҫҫӗ.
Малашне ун пек перечене банксемпе аптекӑсене те кӗртӗҫ. Кун пирки Раҫҫейӗн Цифра аталанӑвӗн министерстви пӗлтернӗ.
Пилотсӑр вӗҫекен аппаратсем пӗрмай тапӑннӑран пирӗн республикӑра та интернет ҫыхӑнӑвне час-часах сӳнтерсе лартма тивет.
Ҫывӑх вӑхӑтра пирӗн тӑрӑхра ятарлӑ техника схемине ӗҫлеттерсе ярасшӑн. Вӑл пулсан ҫынсем мобильлӗ Интернетпа чӑрмавсӑр усӑ курма пултарӗҫ.
Ҫыхӑнӳпа усӑ курас тесен телефон хуҫин хӑй ҫын иккенне ҫирӗплетсе памалла. Ун валли а-ля капча сервис хута ямалла.
Ҫурла уйӑхӗн 11-мӗшӗнче .RU тата .РФ доменсенче домен ячӗсене регистрацилемелли ҫӗнӗ йӗрке вӑя кӗнӗ.
Малашне .РФ доменра Раҫҫейри 17 патшалӑх чӗлхинчи символсемпе усӑ курса интернет-адрес регистрацилеме пулать. Сайт ячӗсенче абхаз, адыгея, алтай, пушкӑрт, бурят, ингуш, кабарда-черкесск, калмӑк, коми, мари, тутар, тува, удмурт, хакас, чечен, чӑваш тата якут чӗлхисенчи саспаллисемпе усӑ курма пулать.
Эппин, малашне «Чӑваш.рф» сайт та регистрацилеме май пур. 17 патшалӑх чӗлхипе усӑ курма май туса панӑ ӗнтӗ — интернет-адрес регистрацилеме пултаратӑр. Рунити ушкӑн пуҫлӑхӗ Андрей Кузьмичев Рег.ру тата Руцентр пысӑк регистраторсем тестировани витӗр тухнӑ.
Халех мар. Тепӗр икӗ ҫултан. Кун пирки Раҫҫейӗн премьер-министрӗ Михаил Мишустин пӗлтернӗ.
Вӑл профиль стратеги сессийӗнче хыпарланӑ тӑрӑх, килти интернет хӑвӑртлӑхӗ пирӗн ҫӗршывра Европӑринчен самай вӑйлӑрах. Хальхи вӑхӑтра килти интернетпа пирӗн ҫӗршыври 39 миллион абонент усӑ курать. Чылайӑшӗн хӑвӑртлӑхӗ ҫеккунтра 100 мегабит тата унран та ытларах.
Тепӗр икӗ ҫултан пирӗн ҫӗршывра спутник интернечӗпе пур ҫӗрте те тивӗҫтермелле. Ку вал чи аякри теорриторисене те интернетпа ҫыхӑнтарма май парӗ, ҫӑв шутра — автоҫулсемпе чукун ҫул хӗррисемпе те.
Халӗ ҫынсенчен чылайӑшӗ халӑх тетелӗсенче ларать. Унтах вӗсем хӑйсене пӑшӑрхантаракан ыйтӑвӗсене те татса пама тӑрӑшаҫҫӗ.
Чӑваш Енӗн Регион управленийӗн центрӗнче пӗлтернӗ тӑрӑх, пӗр эрнере кӑна, раштав уйӑхӗн 14-20-мӗшӗсенче, халӑхран 1758 ҫыру килсе ҫитнӗ. Вӗсене патшалӑх пабликӗсем йышӑннӑ.
Халӑх тетелӗсенче ҫынсен ыйтӑвне вӑтамран 3 сехет те 26 минутра хуравлаҫҫӗ. Ку енӗпе уйрӑмах хастар муниципалитетсен йышӗнче — Шупашкар, Ҫӗмӗрле, Канаш, Шупашкар муниципаллӑ округӗ.
Яндекс команди фирма сервисне чӑваш калаҫӑвне тата синтез технологине ӑнланакан нейросете кӗртнӗ. Вӑл «Яндекс Тӑлмачра», «Яндекс Шыравра» тата «Яндекс Клавиатурӑра» пур.
Кун пек мелпе хальлӗхе унта икӗ чӗлхене ҫеҫ кӗртнӗ. Маларах, кӑҫалхи ҫулла, Яндекс тутар калаҫӑвне ӑнланма пуҫланӑ, халӗ, ав, — чӑвашла.
Чӑваш чӗлхи Яндексра 2020 ҫултанпа, анчах маларах сервис текстпа ыйтнине ҫеҫ ӑнланнӑ. Халӗ вӑл сасӑпа ыйтсан та ӑнланать. «Куҫаруҫӑ» приложенире чӑвашла диалог режимӗ те пур.
Яндекс Раҫҫейри халӑхсен чӗлхине интеграцилессине Федерацин наицональноҫсен ӗҫӗсен агентствипе, Раҫҫейри халӑхсен ҫурчӗпе тата регионсенчи чӗлхе институчӗсемпе пӗрле ӗслет.
Яндекса чӑвашла сасса ӑнланма Чӑваш патшалӑх гуманитари ӑслӑлӑхӗсен институчӗ пулӑшнӑ.
Чӑваш Енри пултаруллӑ ҫынсенчен пӗрне «РФ тава тивӗҫлӗ культура ӗҫченӗ» ята панӑ. Сӑмахӑмӑр Надежда Соловьёва пирки пырать. Унпа «Рувики» интернет-энциклопедин чӑвашла пайӗнче те паллаштарнӑ.
Надежда Соловьёва 1956 ҫулхи утӑ уйӑхӗн 14-мӗшӗнче Мари АССРӗнчи Туҫи Мари районӗнчи Коротни ялӗнче ҫуралнӑ. 1973 ҫулта Н. К. Крупская ячӗллӗ Мари патшалӑх педагогика институтӗнче аслӑ пӗлӳ илнӗ. Шупашкарти музыка училищине вӗренсе пӗтернӗ хыҫҫӑн 1977 ҫултан пуҫласа Ҫӗнӗ Шупашкарти музыка шкулӗнче вӑй хурать. 2002 ҫултанпа Ходяшевсен ячӗллӗ Шупашкарти ачасен 4-мӗш музыка шкулӗнче те тӑрӑшать.
2014 ҫулта I Пӗтӗм Раҫҫейри педагогсен профессионаллӑ ӑсталӑхӗн «Ят-сум» конкурсӗнче тӗрлӗ номинацире I степеньлӗ лауреат тата II степеньлӗ лауреат ятне тивӗҫнӗ. 2016 ҫулта III Пӗтӗм Раҫҫейри педагогсен профессионаллӑ ӑсталӑхӗн «Ят-сум» конкурсӗнче I степеньлӗ лауреат пулса тӑнӑ («Вӗренӳпе меслетлӗх ӗҫӗ» номинацире).
2018 ҫулта Раҫҫей Федерацийӗн Культура министерстви ирттерекен «Ача-пӑча ӳнер шкулӗн чи лайӑх вӗрентекенӗ» Пӗтӗм Раҫҫейри конкурсра лауреат ятне тивӗҫнӗ, унӑн вӗренекенӗ Степан Николаев ҫак конкурсӑн дипломне ҫӗнсе илнӗ.
Чӑваш Енри пултаруллӑ ҫынсенчен пӗрне «РФ тава тивӗҫлӗ культура ӗҫченӗ» ята панӑ. Сӑмахӑмӑр Надежда Соловьёва пирки пырать. Унпа «Рувики» интернет-энциклопедин чӑвашла пайӗнче те паллаштарнӑ.
Надежда Соловьёва 1956 ҫулхи утӑ уйӑхӗн 14-мӗшӗнче Мари АССРӗнчи Туҫи Мари районӗнчи Коротни ялӗнче ҫуралнӑ. 1973 ҫулта Н. К. Крупская ячӗллӗ Мари патшалӑх педагогика институтӗнче аслӑ пӗлӳ илнӗ. Шупашкарти музыка училищине вӗренсе пӗтернӗ хыҫҫӑн 1977 ҫултан пуҫласа Ҫӗнӗ Шупашкарти музыка шкулӗнче вӑй хурать. 2002 ҫултанпа Ходяшевсен ячӗллӗ Шупашкарти ачасен 4-мӗш музыка шкулӗнче те тӑрӑшать.
2014 ҫулта I Пӗтӗм Раҫҫейри педагогсен профессионаллӑ ӑсталӑхӗн «Ят-сум» конкурсӗнче тӗрлӗ номинацире I степеньлӗ лауреат тата II степеньлӗ лауреат ятне тивӗҫнӗ. 2016 ҫулта III Пӗтӗм Раҫҫейри педагогсен профессионаллӑ ӑсталӑхӗн «Ят-сум» конкурсӗнче I степеньлӗ лауреат пулса тӑнӑ («Вӗренӳпе меслетлӗх ӗҫӗ» номинацире).
2018 ҫулта Раҫҫей Федерацийӗн Культура министерстви ирттерекен «Ача-пӑча ӳнер шкулӗн чи лайӑх вӗрентекенӗ» Пӗтӗм Раҫҫейри конкурсра лауреат ятне тивӗҫнӗ, унӑн вӗренекенӗ Степан Николаев ҫак конкурсӑн дипломне ҫӗнсе илнӗ.
Озон маркетплейсра «Раҫҫейре туса кӑларнӑ» уйрӑм пай пур. Хальхи вӑхӑтра унта – 2,3 миллион тавар.
Интернет-лавкка таварсене регионсемпе те пайланӑ. Вӗсен йышӗнче «Чӑваш Енре туса кӑларнӑ» пай та пур. Ӑна «Чувашия БлагоДарит» республика бренчӗн стилӗпе хатӗрленӗ. Унта 30 ытла брендӑн 5,7 пин ытла таварне тупма пулать: болтран пуҫласа тинӗс хӗрринчи беседка таранах.
+11.3 °C